張繼聰顏卓靈爆笑聲演《捉妖記》

2584

張繼聰、顏卓靈早前為暑期猛片《捉妖記》男女主角配音,張繼聰聲演井柏然飾演的天蔭、顏卓靈則為白百何飾演的爽直天師小嵐配上廣東話對白。

天蔭在戲中是小妖王胡巴的代母,張繼聰笑說:「我第一次生仔,雖然只係配音,但嗌咗半粒鐘都未生得出,絕對令我感受到作為母親既偉大,加上我同天蔭好相似既地方,就係我同佢都係爸爸,好明白養育下一代既感覺,所以我好快就投入到天蔭既角色,加上電影入面宣揚既訊息好有教育意義,例如尾段講人同妖其實可以共存於世,我覺得好觸動,同埋啲妖又好可愛啦,當然我最愛既一定係胡巴,除咗佢好多表情,好可愛外,最重要係由我生佢出嚟嘛。」

顏卓靈為小嵐配音,她說:「《捉妖記》入面有好多好演員,好似吳君如、曾志偉,白百何、井柏然同湯唯,我可以藉着配音,用聲音同晒佢哋對戲,另一方面因為套戲入面既妖好得意,胡巴固然好得意,但志偉同君如飾演既竹高同肥瑩,我真係好鍾意佢哋,因為佢哋喺戲入面成日鬥氣,但嗌嗌下交又突然好恩愛,好有戲劇感,呢套戲適合大人小朋友睇,有笑位亦有感動位,令我印象最深刻係最後天蔭要離開胡巴嗰段,好感動。」

此外,張繼聰更以鬼馬聲調獻唱電影《捉妖記》廣東話插曲《愛底線》,歌曲配上盞鬼歌詞,完全為電影的笑點達到畫龍點晴的效果。

《捉妖記》電影資料:http://www.udpower.com/6787/捉妖記/